Ora2 好用推薦產品
Ora2 推薦產品一覽 7 件
Julianna好用推薦：呢支Oro2正式無瑕牙膏真係幾好用，入口好清新，唔會有嗰啲好刺嘅薄荷味，但係刷完啲牙又好乾淨。用咗幾日之後，覺得牙齒表面滑咗，啲茶漬同咖啡漬好似冇咁易積，口氣都清爽咗成日。佢起泡量適中，唔會搞到成嘴都係泡咁唔舒服，而且沖水好快就乾淨。包裝簡潔大方，用落有少少高級感。每日朝早晚黑用，真係覺得口腔乾淨好多，成個人都精神啲。
<看全文>mysecretgarden好用推薦：一直物色緊美白牙齒嘅產品，見呢隻牙膏都幾多人推介就買來試吓。揀咗呢隻好香嘅桃味，令我諗起細個用嘅兒童牙膏。牙膏主打潔白牙齒，不過唧出嚟冇任何嘅磨砂粒粒。用咗兩個月，我本身冇乜牙跡，測試唔到呢款產品可唔可以去除茶漬咖啡漬，但喺亮白牙齒色調方面，效果就暫時未見到。
<看全文>mysecretgarden好用推薦：我平時好注重口腔衛生，食完嘢一定會噴口腔噴霧。用左Ora²呢支一段長時間。首先佢最大賣點應該係多味道選擇，我試過好多隻味，波子汽水味，青提子味薄荷味檸檬味，都算幾清新，唔會太人工化。 噴霧設計都幾就手，細細支放喺手袋都唔阻定，需要嗰陣拎出嚟噴兩下都好方便。不過講到實際效果，如果係一般食完嘢想清新下 ，佢都算叫做頂到一陣，個口會覺得涼涼哋，有啲清新感。但係呢種感覺唔算好持久，大概半個鐘到就已經打回原形，要再補噴先得。 有次我食完蒜頭包之後試用，初時噴完真係遮到啲味，但係過咗一陣，蒜頭味又慢慢走出嚟，證明佢始終都係治標唔治本。如果係要去重要場合，真係唔可以單靠佢，最好都係徹底刷牙同用漱口水穩陣。 至於保持口腔衛生呢方面，我覺得佢都係幫到少少手，但係就唔好期望太高。例如食完午餐冇時間刷牙，用佢來頂一頂都OK，起碼個口冇咁唔舒服。但係如果係牙肉問題或者本身有口氣，就真係要正經睇牙醫，唔可以靠支噴霧解決。 價錢方面都算合理，比起其他日本牌子差唔多。但係如果成日要用，消耗得都幾快，因為效果唔算好持久，要成日補噴。
<看全文>agnessstang好用推薦：平時都好鍾意日本呢啲生活小物 無形之間提升咗生活細節🧚♀️ 行Donki嘅時候見到就買咗嚟試 一用就超級鍾意❤️ 細細支放喺手袋好方便 就算係小廢包都放得落🤣 佢可以消除口腔內產生異味嘅菌🦠 食完飯噴一下喺口腔可以去除食物味 尤其係食啲比較重口味嘅嘢🧄就特別需要！ 飲完咖啡☕️/酒🍸呢啲濃味啲嘢都可以噴一噴辟味 約會前都可以噴一噴🥰 有幾隻味可以揀 柑橘🍊 西柚 汽水🥤 莓果🍓 青提🍇 薄荷 睇下自己喜歡清涼啲甜啲定mild啲 香港大概$25一支 日本🇯🇵大概$11一支 去日本嗰時囤咗好多支 平勁多🥹 精緻style/注重細節嘅女仔一定要入手！雖然好細支但一支可以用到1-2個月
<看全文>Desse好用推薦：長期占據日本美妝榜嘅美白牙膏😍 Ora2 亮白淨色精緻牙膏 (薄荷味) 主要成份： 牙齒去漬成份 配合Ora2牙膏系列中最高濃度的去漬成分（去漬成分：矽石），有效去除齒垢。 吸附異味成分 吸附口氣異味成分（吸附劑：烷基磷酸酯）吸附並去除異味根源。 🧏🏻♀️ 我平時係每日都要飲一杯凍檸茶嘅人.. 就算人不在港.. 綠茶麥茶點都會跟身.. 所以茶漬問題一直都幾困擾. 喱款係日本同事嘅介紹.. 我唔敢講可以令牙齒美白幾多度 但.. 我親身用.. 係無再增加extra嘅牙漬 Keep得住剛洗完牙嘅顏色💪🏻 如果閣下同我一樣要靠茶啡提神.. 推介你一試⭐️ 我已經用緊第3支🤩
<看全文>lingbb好用推薦：- 呢款牙膏係係去漬護理，加入銀白珠光去漬微粒，能更有效清除牙齒表面牙漬而不傷琺瑯質， - 刷牙時更能體驗獨特的微粒觸感。 - 更賦予淨白牙齒炫亮光澤 - 我呢款口味係premium mint，係有淡淡薄荷味，好易就起到好輕盈既泡泡，刷完摸過d牙都非常滑 - $28 支你值得擁有
<看全文>