KAMINOWA法之羽

有機防脫髮洗髮露

好多謝被@cosme抽中試用法之羽KAINOWA既全套產品，包括養髮液、生髮素、有機防脫洗髮露及護髮素。

而家到左30+既年齡，就開始覺得兩邊既額角開始稀疏，中間既分界線都開始愈來愈清晰可見，自己既髮質亦係比較幼細同少，所以而家都會開始想注重下生髮依方面既產品。

產品都係無添加矽，溫和防敏，生髮之餘仲唔會影響頭皮既健康。因為自己既頭皮有時都會有少少既敏感，但用完依套產品之後，頭皮既問題同敏感都好快消失左。

有機防脫髮洗髮露係有天然既控油成份，有淡淡既花香，洗頭果陣會都好享受，唔係容易起泡既類型，所以份量我都會用多少少，沖水之後頭髮唔會卡住，都幾順滑，洗完頭唔會有笠既感覺，好清爽。使用後我既頭皮和敏感問題都有所改善。

全套產品使用大約一個月之後，覺得額角有新既BB毛生出黎（箭咀示），甩頭髮有感覺係少左，但係分界線同髮量都未有明顯改變，但可能用既時間都只係一個月，相信持續使用應該會有更明顯既效果，會繼續使用觀察。