ettusais

稜鏡光感柔滑眼線液

多謝ettusais 同cosme，抽中我試用！今次亦好有心機做幾個對比圖俾大家唔同妝效，有不同加疊效果俾大家睇❤️。自己一直有用ettusais 啫喱眼線筆，色系易襯又持久，自己都用咗超過6支了。(圖中都影返我自購嘅兩支02 03色)，而今次試用除眼線筆、黑色睫毛底霜、仲有稜鏡光感柔滑眼線液。

試妝用眼線液03+ 眼線筆14主色 & 03內眼線+ 睫毛底霜

稜鏡光感柔滑眼線液
使用時唔太覺有閃爍粉末，不過筆掃幼細，出墨幾順，適合眼尾描畫，輕鬆做到日系透明感眼線，平日市面上買嘅較實色，呢款就可減低眼神銳利感。不過03顏色太柔和，膚色比佢更深，唔多顯眼，單用未必夠用，我建議先用較深色嘅啫喱眼線筆畫內眼線，雙眼就會放大返啲。

極幼柔滑眼線筆
如前所講，一向有用，中意佢順滑感覺，輕輕就畫到，而且佢色系多，今次用嘅係14色，亦係好易carry，返工都用到，如果平日用啡色用到悶，呢類啡紅系就好推薦，眼尾向上，眼中段位置畫到尾已好夠。而我眼睛較少出油，通常keep到約12個鐘。如果不幸眼濕濕都冇大問題，頂多眼尾有少少甩。

黑色睫毛底霜
梳頭設計，以往買其他都係白色，而佢係黑色纖維，都幾幼細，與睫毛自然融合，不泛白不易結塊。
利申: 我本身睫毛天生向上，雖然我測試唔到睫毛有冇保持鬈翹，但根根分明自然妝效係做到，睫毛亦較平日單用mascara硬淨。