CeraVe

SA水楊酸煥膚潔膚露

首先多謝Cosme抽中我試用CeraVe一系列嘅潔膚露🫶🏻上網睇過知道CeraVe嘅產品一向都係性價比高，又溫和，連濕疹人士都適合使用。今次就到我最最最期待嘅SA水楊酸煥膚潔膚露！期待嘅原因係因為我有背痘嘅問題，皂，背痘噴霧，去痘沐浴露，我全部都試過，大部分都冇效，最多暗粒少dd。之後睇到Dr Grace推介CeraVe 嘅SA水楊酸煥膚潔膚露就好想試，因為自己用緊日本brand嗰款已經去到樽頸位，冇再令皮膚更加好。唧出嚟同清爽泡沫潔膚露一樣係透明嘅，但呢款就真係完全冇味🫶🏻(沖涼嗰陣影所以手濕👻)出名真係有原因🥹佢真係令到我背粒再少咗🥹摸背脊feel到係滑咗🥹對於我呢d一直有背痘問題嘅人真係好感動🥹洗完都冇乾嘅感覺 (用開嗰款有)我會keep住買🫶🏻

SA水楊酸煥膚潔膚露蘊含三重親膚Ceramides及透明質酸，有效潔淨同時維持肌膚表皮屏障功能與鎖水能力。水楊酸，透明質酸、淨化毛孔髒污與撫平粗糙顆粒，使肌膚潤澤平滑。水楊酸對去暗粒係好好嘅成份！呢款產品一樣不致粉刺性配方 ，通過敏感測試 ，低敏配方， 無添加 Paraben 、香料、酒精(指乙醇) ，適合中性、敏感及粗糙有顆粒皮膚。