LAURA MERCIER

純淨無瑕柔霧粉底液

好開心參加到@cosme Laura Mercier的試用活動，今次的試用產品是純淨無瑕柔霧粉底液，色號系2N1 cashew，上手覺得比自己膚色深少少，上面整體都幾自然。
佢嘅樽身做左磨砂設計，可愛得嚟又高級，好有質感，細細支帶出街都好方便。
我全面上妝用2泵加美妝蛋上全面，質地水潤易推，輕薄貼服，有奶油肌既感覺，自然有光澤，感覺好似本身皮膚好左咁，妝感唔重。


我皮膚系混合性偏油再加兩邊面頰周不時有少少敏感紅印，兩頰毛孔比較粗大。冇用遮瑕膏輕輕上一層粉底液都遮到6 7成紅印，令膚色均匀番，遮毛孔的效果都吾錯。如果想遮多啲 可以薄薄地上多一層粉底液，妝感都吾會好厚。

平時香港天氣又焗又熱，再加帶住口罩幾乎一出街好快就出油脫妝加浮粉，但係用Laura Mercier 純淨無瑕柔霧粉底液帶住口罩番工8個鐘都淨係鼻樑同面頰位有少少脫妝，而且冇乜點出油，兩邊面頰都冇平時浮粉既問題，貼服得嚟又高持妝，同肌膚融合度吾錯👍🏻

美中不足嘅係呢支粉底液冇防曬，上妝前要另外上一層防曬。