KANEBO

四層可撕式化妝棉

感謝@cosme HongKong 提供試用
個人比較喜歡用化妝棉抹爽膚水，感覺可以推到角質或者污糟野。間中都會用黎濕敷。
Kanebo 化妝棉係第一次試，塊棉有四層，都幾厚身，用黎搽爽膚水感覺都幾柔軟舒服。不過由於佢比較厚，都要用幾多爽膚水先濕到塊棉。
覺得塊棉嘅優點係厚身，搽完爽膚水後塊棉都冇爛，亦都唔會留低棉絮喺面上，而且見到用完塊棉後會有黃色物質出到黎，有清潔到塊面。
用黎濕敷非常好用，四層棉好易撕開，唔會撕爛，而且塊棉好有彈性可以拉伸，足夠覆蓋面頰。
不過化妝棉都幾貴下，用黎濕敷會划算啲。會考慮回購作敷面用。