Kiehl's

特效保濕乳霜 (第3代)

身為Kiehl's嘅資深用戶，佢地嘅皇牌產品當然有用過。由會員贈品開始到自購125ml大罐版，呢罐ultra facial cream係我喺香港大部分時間都啱用嘅產品。

佢嘅質地係好輕盈嘅soft cream，冇任何香味，搽開之後好快就會吸收晒，唔會有黏膩感。喺夏天嘅時候我會用完toner直接就搽，而冬天需要更滋潤嘅時候就會先搽精華再用。對我嚟講，佢係穩定皮膚狀況嘅選擇，喺我想做最無負擔嘅基礎保養就會拎呢罐嚟用。

佢最大嘅優點就係好易吸收唔會搓泥，用完再上粉底都唔會影響底妝。仲要一d都唔貴，會員日仲會有好多折扣，每日用都完全唔會心痛。