Dove 多芬

髮源強韌防斷髮洗髮乳

再次多謝@cosme 抽中試用Dove 髮源強韌防斷髮洗髮乳+小金瓶，剛好打算買洗髮乳既時候就收到cosme通知 🥰
先寫寫洗髮乳用後感，下一篇再評價小金瓶。

以前細個都有用開Dove，只不過係沐浴露，未試過洗髮乳。一如既往，Dove既產品好香，洗頭時令人感到好放鬆同好享受，就算洗完頭隔一段時間都仲隱隱約約聞到香味，讚👍🏻

只係呢支洗髮水喺我身上做唔到我想要既效果，亦做唔到呢款產品聲稱防斷髮既效果🥲
喺試用既第一日，落洗髮乳到起泡既過程係冇問題既，但一沖水就出事喇...一沖水嗰下就feel到啲頭髮洗到好乾，就好似用緊啲強清潔力嘅洗髮乳咁。唔知大家有冇試過，當沖水時啲頭髮喺好乾既狀態，係會黐住啲手指隙，結果甩得仲勁 ...但因為只係第一日，我決定俾多啲時間同機會繼續試多 (好彩我本身髮量算多，如果唔係我應該好快棄用😅)

由收到試用品到今日為止，已經試用左11日，但同我試用第一日嘅感受一樣，洗完啲頭髮變得好乾，沖水會比平時甩多幾條頭髮🫨 但好彩今次試用品跟埋小金瓶，小金瓶的確幫左好大忙(另一篇心得會再寫)。

總結係，我喜歡Dove既香味，但呢支洗髮乳唔會回購