購買資訊

Avene 細胞激活緊緻精華 使用心得 先講句公道說話：呢支精華唔係打針，唔會用完第二日即刻變後生五年，但用落會覺得塊面「硬淨」同「飽滿」咗。 我係30頭嘅混合肌，開始留意到蘋果肌冇以前咁脹、虎紋有啲陰影、輪廓好似冇咁分明。見到Avene呢支主打「細胞激活」同「抗衰老」，價錢喺專櫃精華嚟講算中價，就買嚟試咗一個半月。 質地 & 使用感 佢係白色乳液狀，唔係流質嗰種，比一般精華杰身少少。但推開好滑，吸收速度中等，查完塊面會有層好薄嘅保濕膜感，唔黐立立，亦唔會起擦膠碎。 最怕抗老精華太潤搞到出暗粒，好彩呢支冇。我用喺爽膚水之後、面霜之前，日頭用都冇問題，後續上防曬同粉底唔會打架。 用後感（用咗約6星期） 頭一星期：冇乜特別感覺，淨係覺得保濕幾好，冷氣房瞓醒塊面都仲係軟腍腍。 第二星期開始：摸到塊面滑咗，特別係下巴同腮位嗰啲粒粒有少少平滑咗。 一個月左右：見到個變化—皮膚望落「厚淨」咗。平時朝早起身塊面會扁扁地、有啲暗啞，而家會見到有自然光澤，唔係油光嗰種。虎紋位置有少少漲返，唔係消失，但冇咁凹。化妝時粉底貼好多，尤其係蘋果肌嗰忽，明顯冇咁易浮粉。 最驚喜係皮膚狀態穩定咗

Avene最新出咗幾支精華，一支係保濕，另一支係B3，仲有支好似抗敏，枝枝都睇落差唔多。 一樣都係泵頭，擳出嚟精華流質。透明用手推開或滑滑地，吸收完之後會有一層保護膜喺皮膚上面。B3依支主打緊致去皺紋，精華無太大Avene味，可接受。除咗維他命B3之外，添加透明質酸。 用落佢去紋方面不太大效果，感覺好似同保濕精華差唔多，但係就冇保濕精華嗰支咁黏笠，不過皺紋呢啲其實好難用精華去到，對我嚟講冬天嚟講會幾啱可以keep住用，可以抗老預防皺紋，質地適合。

之前從未用過Avene 產品,用咗 Avene 細胞激活緊緻精華兩個星期，質地清爽好快吸收，完全唔會黐冧冧！最驚喜係保濕力夠強之餘，修護皮膚屏障嘅效果好顯著，連我呢種敏感肌用落都好舒服、零刺激。連續用一陣，感覺皮膚著實緊緻咗少少，摸上去仲滑溜咗好多，絕對係值得無限回購嘅抗老好物！