Moist Diane

髮質重構深層導入髮膜

咁啱想買髮膜見到cosme有邀請就試吓有無機會抽中 又俾我咁好彩收到試用

其實平時我係開喺iherb買嘅另一款洗頭水同護髮素 但呢排多嘢做到用哂都唔記得買 🈲唯有用住男朋友枝去油洗頭水頂住先 🈲本身諗住都係頂幾日等貨到應該無事嘅 ❌❌點知用咗兩日啲頭髮又乾又打結 每朝都要拎住把梳大大力咁刨先梳得返順啲頭髮💢

係我頂唔順想買嗰枝洗頭水頂住嘅時候💸就收到Diane Power Treatment同Extra Night Repair Shampoo嘅試用 佢哋嘅出現簡直拯救咗我呢把乾到好似假髮咁嘅頭 👼🏻
一如Diane其他product 呢枝Extra Night Repair Shampoo🌙一打開就有種舒服嘅香味飄出嚟 💐而 唧喺手上面係有種水潤嘅感覺 睇返個簡介👀 原來呢枝Extra Night Repair Shampoo入面喺有5大有機天然精華油 聲稱可以去瞓覺嗰陣 密集修補受損髮絲 另外仲有納米分子深入髮芯 大量咁補充養分 等頭髮由內到外回復強韌有彈性

而Diane Power Treatment🌟🌟就採用日本最新技術以獨特天然卵殼膜成份 加埋 納米級Ceramide同其他優質養份修復受損髮絲 去做到6大再生功效
修補嚴重髮損✅
鎖水抗毛躁✅
持久髮色 (因為本身已經甩咗色 所以試唔出）
光澤柔滑✅
逆轉熱力傷害✅
消除頭髮上的靜電✅
比起一般嘅開架髮膜 Diane呢隻摸上手無咁膠 同埋唔駛擺咁耐都做到想要嘅效果 ⌛️沖完之後唔會覺得有層嘢焗住啲頭髮嘅感覺

坦白講 用完嗰一刻係無咩特別感覺 係覺得同平時洗完頭差唔多💁🏻‍♀️ 但諗深一層 我用咗兩日男仕去油洗頭水去摧殘我把頭髮 洗一次就正常返 其實個效果都幾顯著💯💯
再加上瞓醒覺梳頭比起之前明顯地順滑咗 頭髮都無之前甩咁多🥰