Moist Diane

髮質重構深層導入髮膜

感謝@cosme 比我有機會試用「Diane Power Treatment 髮膜」同「香水貴油夜間修復洗髮露」。

我經常染髮，髮質比較乾，夏季容易毛躁，冬季乾燥時會容易打結，所以一路以來都有用髮膜同護髮油嘅習慣。一打開蓋，就聞到淡淡嘅香味，係好自然嘅甜香，上手嘅質地係比較厚重嘅cream，塗抹係頭髮度，好滋潤，感覺可以好好地包裹住髮絲做treatment。我比較欣賞佢沖洗時唔會過份黏膩，如果長期使用下來太難洗走，我就會逐漸因為懶而少用。吹乾頭髮後，髮絲變得順滑，無咁容易毛躁同打結，感覺真係有補水，同埋配搭香水洗頭水使用，第二日起身都仲依稀聞到髮尾嘅白麝香，感覺好精緻。第一次用Diane髮膜前，頭髮比較毛躁（如上圖），洗頭後專登無塗髮尾油，就咁吹乾頭。第二日起身，頭髮相對順滑（如下圖），當然唔會好似廣告效果個種好誇張嘅飄逸，但見到係有改善嘅。


總括來講，使用左大約2個禮拜，我可以感受到髮膜有逐步滋潤緊髮絲，即使無特別配搭髮尾油護理，頭髮都無咁易毛躁打結，大部分時間都可以保持順滑，值得回購繼續使用！