CLARINS

賦活精華眼霜 2In1

首先多謝 @cosme 邀請試用CLARINS 賦活精華眼霜2 In 1，第一次試用呢個品牌嘅眼霜，我超期待佢嘅效果。

樽身係好似蜂蜜咁嘅橙黃色，簡潔精緻，好清楚咁見到一半係透明嘅精華，另一半係乳液狀嘅眼霜，唧係手上明顯feel到兩種截然不同嘅質感，簡單推兩下已經完美融為一體。塗到眼部肌膚時聞到淡淡嘅花香，唔會好厚重帶來黏膩感，亦都唔會過份清爽而失去滋潤感，1/3眼霜同2/3精華嘅比例啱啱好，幾啱夏天用。
我特別欣賞樽身設計，可以扭向大小水滴嘅方向來調整份量，非常貼心。夏天長期係冷氣房工作，皮膚好易乾燥，早晚各用一下小水滴，已經做到基本保濕滋潤效果，中途唔駛再補眼霜。本身我比較鍾意用偏清爽嘅眼部精華，但唔及時保濕就好易出現乾紋，呢款2 In 1眼霜用左兩個禮拜，感覺乾紋變淡左，眼周肌膚更緊緻，但黑眼圈就無咩點改善。
整體來講，呢款眼霜設計貼心，成分天然，氣味唔刺激，滋潤度夠，有助撫平乾紋，雖然對抗黑眼圈等初老問題稍弱，但持續使用話唔定有更佳效果，會考慮回購。