YVES ROCHER

防脫髮洗髮露

多謝 @cosme 比我有機會試用 YVES ROCHER 防脫髮洗髮露，本身只係用過佢嘅香水，好期待試用其他產品。

一擠出來就唔同平時嘅洗頭水，無咁液體，比較似jelly嘅質地，好易揉搓至起泡，泡量偏少，一開始都好擔心會唔會唔夠清潔力，結果洗完之後，感覺頭皮清爽唔繃緊，好乾淨。聞落係淡淡嘅草本植物香味，感覺好清新自然，唔會有太多添加物，沖水嘅時候都好易沖乾淨，唔會洗極都滑潺潺。

本身我嘅頭皮好容易敏感，脫髮情況都偶爾會有，用左一排，唔會話即時見到超震撼嘅防脫髮效果，但至少清潔力夠強、成分天然、唔會過敏，會考慮回購長期使用。