factiv

HYA3補濕修護精華

多謝 @cosme 比我有機會試用factiv嘅HYA3透明質酸補濕精華，好少有機會用到香港品牌嘅護膚品，好期待試用效果。

樽身好簡潔，有醫美品牌嘅感覺，設計都好特別，扭開之後樽蓋會突起可按壓，好方便使用，但用量有啲難掌握。

精華質地呈水狀，好易推開，比想像中滋潤，但唔會痴笠笠，比較清爽。本身我嘅皮膚比較乾燥，好容易泛紅，用左精華後都即時做到補濕效果，感覺唔錯。加上佢主打無酒精、無香料，就算皮膚易過敏都唔駛擔心。

但可能宜家天氣比較乾燥，加上我皮膚比較缺水，大概幾個鐘後就出現鼻翼甩皮，比較適合夏季使用，冬季或者比較乾燥嘅時候需要更滋潤嘅精華，但整體使用感好好，夏季會考慮回購。