YSL BEAUTÉ

升級版夜間修復精華 (捱夜急救精華)

本身係容易生痘痘嘅混油皮，又鍾意捱夜，之前都有買過ysl pure shot去試下改善皮膚狀況，所以好多謝cosme抽中咗我去試用今次嘅升級版！外觀、質地、味道方面我覺得同之前都差唔多。pure shot係我唯一用過嘅油狀護膚品，但用落感覺都唔會好癡笠笠，都唔會油到唔舒服，基本上好快就吸收到。新版嘅味道都一如既往地好聞，唔會有種好夾硬嚟嘅化學香味。試用嘅呢一個禮拜都一直係捱夜狀態，但用咗之後皮膚狀態好似好咗！雖然之前有用pure shot，都知道佢可以抗痘，但因為係油，始終都會擔心會唔會反而太油塞住咗啲毛孔，但使用呢一個禮拜都冇生過痘痘，反而仲少咗。總括嚟講呢款產品幾好用！