MAYBELLINE

SUPERSTAY 超持久30H空氣感粉底液 (月光小紫瓶)

感謝Cosme和Maybelline提供新品小紫瓶試用體驗 (*´∀`)

首先分享返我自己嘅膚況同埋上妝習慣先
本身皮膚係混合偏油 到咗冬天面頰位容易乾燥
上妝習慣呢就鍾意透薄霧面 極少使用遮瑕
今次一共收到六枝粉底
平時用開韓妝嘅23號用返N20就啱啱好
其他顏色都可以當作修容使用

然後講講粉底本身 粉紫色瓶蓋加上好有質感嘅磨砂樽身
衛生泵頭設計 呢個蓋嘅內部設計唔會hi到泵頭
粉底質地唔稠唔稀 介乎兩者中間
用咗一泵左右嘅份量上晒全面 好易推開
氧化輕微到可以話係冇 有一陣淡淡嘅香味
有啲可惜防曬系數得SPF12 PA+++

第一次用唔記得搖勻 我自己習慣用粉撲推開
配合以下底妝產品
✿⁠ Pony 遮毛孔妝前乳
✿⁠ Laneige NEO散粉
✿⁠ Espoir 定裝噴霧
上完之後係霧面得嚟帶少少珠光質感 唔黐手
遮瑕控油力度中等 輕身透薄唔會厚重
本人毛孔問題較為嚴重 建議靠妝前乳幫手
有朋友讚皮膚好咗 即刻介紹粉底比佢識
夜晚十一點幾返到屋企過咗冇乜點甩
中間T字區有出油 輕輕用紙巾印走唔影響妝效
最重要係攬男朋友唔使就住就住 hahaʕ⁠っ⁠•⁠ᴥ⁠•⁠ʔ⁠っ
連續一個禮拜返工使用 持妝方面真係做得唔錯

感謝閱讀~(⁠◍⁠•⁠ᴗ⁠•⁠◍⁠)

12月中實測相 -