MAYBELLINE

SUPERSTAY 超持久30H空氣感粉底液 (月光小紫瓶)

首先要多謝@cosme 抽中我試用Maybelline全新未上市既新品—SUPERSTAY 超持久30H空氣感粉底液 又名 月光小紫瓶🌙由包裝講起，紫色既樽蓋加上磨砂樽身，好有質感！收到果下覺得真係好靚，絕對襯得起月光小紫瓶呢個名🥹色號方面，分別有六款，冷調有C20，中性調有N10 N20同埋N30，最後暖調有W20同W30。由於我一睇樽身大概知道W20或N20比較岩我，所以我只係開左W20同N20。喺我身上，W感覺係會再提亮膚色一啲，而N就比較貼近膚色，自然啲。所以我主要都係用N20，感覺比較適合自己。

至於質地方面，佢係相對creamy既，容易推，但都有少少快乾，所以建議唔好一次過將啲粉底點晒上面先拍開，可以分part咁點上去拍開就會均勻啲啦。

簡單講一講我既膚質，係混合偏乾，主要T字位同額頭會出油，鼻頭鼻翼會因為鼻敏感間中少少輸同甩皮，兩邊面就偏乾。
先比大家睇妝前同妝後既分別，我面上既瑕疵唔算太多，但咁岩果日有粒瘡喺額頭。我薄薄上左一層，再重點喺瑕疵地方補多薄薄一層。好明顯睇到用完SUPERSTAY月光小紫瓶之後，我額頭粒瘡已經消失左八成，其他瑕疵都遮到。遮瑕度都算中上，好處係可以疊加，所以可以按需要去增加遮瑕度。而喺均勻膚色方面，表現亦都相當不錯。 另外，持久度上面令我十分驚喜！如相所見，我岩岩化完個妝同埋出左去九個鐘之後，只係T字同額頭位有少少油光之外，其他地方都係無甩妝，我亦中間完全無補過妝！可以再詳細睇埋兩邊面，都一樣係完整既妝容，唔會甩妝，更加唔會變到一撻撻。鼻翼位亦都keep得好好！

總括依然，我非常推薦呢支Maybelline SUPERSTAY 超持久30H空氣感粉底液！性價比高，持久力高，妝感輕薄自然。要注意既地方係，因為佢既防曬系數係SPF 12 PA +++，所以一定要記得搽防曬打底先再用佢。小資女們，你地又多一支必備粉底了！