ARMANI Beauty

設計師光感修護粉底液 SPF 15 / PA+++

感謝Armani beauty 同@cosme 俾機會我試用呢枝粉底😌

呢枝粉底液真心讚！！！！
呢枝粉底液真心讚！！！！
呢枝粉底液真心讚！！！！（重要嘢要講3次）
大大話話都買過十幾二十枝粉底液，平貴都有，
呢枝係用一次就榮升最愛頭三😍
之前買過armani 嘅power fabric+同埋designer lift 粉底，
唔知係咪唔識用，又加揀錯色😅覺得難推開，唔太貼面同顯毛孔😔有啲可惜用唔到Armani 粉底🥹
點知！呢枝完全相反！
我攞到嘅係#1.5色，係第2白哲色，上到面好自然😌

~質地~
粉底液體有少少杰，喺手上唔會流動，但掃上面係好好推，
延展性好，用少少已經夠哂全塊面。
個pump 好用，可以輕易控制用量👍🏻
相信亦都冇成膜劑，因為就算唔係一點上面即刻推開，
都唔會變乾變難推，亦都冇卡毛孔。
另外好鍾意嘅係佢冇同我搽嘅N層護膚品打交，唔會起擦膠碎。
有少少香味，係同其他Armani 粉底液香味一樣。

~妝感~
唔顯毛孔呢樣真係極讚，相信係因為有補濕成份，
加埋自己嘅保濕碎粉用，個妝可以好持久。
我混合性皮膚，T位油面珠乾，喺而家香港冬天嘅天氣/冷氣房用，T位唔油而面珠又冇扯到乾哂，好神奇🫢
反而T位用控油碎粉就會扯得太乾而出油🤔
唔知夏天用佢會點呢🫢

粉體好幼細，用掃上面推開後係完全冇粉感，
同皮膚融為一體，好貼服，可以做偽素顏粉底😆
疊加兩層粉底係可以嘅，都依然透薄。
不過遮瑕度就只係中度，
如果有深色嘅暗瘡印就要搵遮瑕膏喇。

上咗粉底塊面係覺得透亮嘅，好似係皮膚自己發光咁😍
相比其他牌子嘅“glow”粉底，呢枝係唯一真•發光粉底😂
戴口罩戴得耐會有極少粉底轉移，但唔會成個口罩變橙色，
而塊面啲粉底都唔會甩到泥石流咁👍🏻

另外佢係冇乜氧化，全日個妝都係一樣色，讚👍🏻👍🏻👍🏻
返到屋企落妝嗰時個妝都仲係好完整，
啲粉亦都冇卡哂落毛孔或者一撻撻。

用過呢枝真係返唔到轉頭，肯定用完會回購！
唔該唔好咁快轉配方呀😂😂😂