HADA LABO 肌研

H.A. Supreme 緊緻塑顏精華

之前都有聽過精華疊加法，但日日都好忙邊有心情去做多個護膚步驟？講到底其實都係懶人藉口😆 。今次收到肌研3款精華，就試下呢個方法。

基本早晚都要先用肌研H.A. supreme極緻補濕精華💧為皮膚補濕，皮膚穩定咗，再用功能性精華更易吸收同發揮功效。呢支精華質地清爽輕盈，吸收快，用後肌膚水嫩，用作打底或基本補濕都很好👍

☀️早上-極緻補濕精華+亮肌淨斑精華：
亮肌淨斑精華質地較黏稠，要用多點時間吸收。用後皮膚有光澤，至於淡斑去痘印，相信要一段時間先有效果。

🌙晚上-極緻補濕精華+緊緻塑顏精華：
緊緻塑顏精華係白色乳液狀，質地比補濕精華更水感，同樣清爽易吸收。有維他命A酯及5重多肽，促進膠原增生，提升肌膚代謝。皮膚用後有緊緻感覺，細紋有減淡，睇落肌膚有返活力。

每次2款精華一齊用感覺很好，用咗皮膚水潤飽滿，美白同抗皺都做到。如果想簡單，只用其中一支都可以。