SOFINA Primavista

完美昇華持妝底霜

好開心有機會試用sofina 新品！
以前回購過好多次持久控油底霜，不過有時會chur 到皮膚好乾。

呢枝新品Boost Primer 完美昇華持久底霜 完全唔同！
佢完全做到一枝底霜應有嘅功能！
粉肉色乳液，質感清爽，延展性高，好容易推開，
少少就夠搽哂全個T字位加下巴。
最重要係好快吸收咗，唔會同護膚品或者粉底打哂交，
亦都唔會感覺有層膜包住咁，摸上面都唔會笠次次。

感覺上佢令粉底吸附得更好，更貼面，
同埋好似令粉底氧化得少咗。
控油效果超級好，中東大油田T字位都可以鎮壓住，
朝早9點上妝，到4-5點先有輕微出油，
用紙巾印吓就靚返，個妝完全冇花冇溶！
佢可以修飾到淺紋同細毛孔，
不過極粗大嘅毛孔就唔會可以填到。
(圖二：額頭嘅大毛孔，有少少修飾，但依然礙眼😔）
老實講出油量多少係好睇嗰日皮膚質素如何，
訓夠嗰日加用埋佢，就算戴口罩焗全日，
個鼻都冇乜點出油😱
唔夠訓又飲唔夠水嘅話，皮膚點都係出油勁好多，
不過佢都仲係可以控制喺4-5點先出少少油嘅可接受範圍😆