SOFINA Primavista

完美昇華持妝底霜

講到防曬同Base，Sofina係我嘅首選牌子。Sofina嘅防曬出名唔笠同唔使用缷妝油缷，用返佢自己嘅洗面產品已經可以洗乾淨晒塊面。另外，佢都可以通知疊加多層防曬而增加防曬效果嘅時數，所以我通常都會喺潔面搽晒保濕嘅護膚品之後，搽佢嘅防曬。

如果嗰日想化妝，就會喺做齊以上步驟之後，額外再搽Base同粉底，再拍上定妝碎粉，咁去化好個底妝。

今次用咗Sofina Primavista嘅Boost Primer，一點上去用手好易就推開，亦自動將我比較大嘅毛孔隱藏起嚟，用海綿輕輕印幾下上埋粉底，掃埋碎粉定妝，一個乾淨收毛孔嘅簡單底妝就已經完成。就算到咗下晝，個妝依然keep住乾乾淨淨，冇因為出汗出油，而溶晒/wear晒，尤其連眼角鼻邊嗰啲因為面部表情而有時摺埋嗰啲位都冇話卡粉卡到一條條線，所以今次真係極推薦，不枉我支持佢咁耐。