Neutrogena

rainbath® 沐浴露 (水果草本香味)

好開心今次下有機會參加 @cosme嘅Neutrogena Rainbath沐浴露（水果草本香味）產品試用。

收到包裹嗰一刻完全唔知係咩，但攞上手只覺得份量十足，打開一看，嘩！好大樽沐浴露，現在好多沐浴露都係600/500ml一樽，呢樽真係一樽頂兩支。

一開箱就聞到一陣經典濃厚水療香氛香味，心諗呢排天氣潮潮濕濕，呢陣香味好醒神喎😍於是就馬上試用啦。

我每次沐浴用大約5元size嘅份量就可以。我自己覺得Neutrogena Rainbath沐浴露係介乎lotion 和gel狀嘅沐浴露，唔會太水又唔會太黏。稍加水後很容易便能起泡，見到泡沫綿密但沒有大量起泡，自己覺得幾好，有時用咗太多/太少泡嘅沐浴露後，皮膚一係比較乾，一係好似洗唔乾淨咁，我使用Neutrogena Rainbath係無呢個問題嘅，用完抹乾身，係feel到皮膚柔軟，無乾淨淨感覺，我自己前臂一直比較乾，容易起刮痕（一年四季都會有），但在試用期間，完全無咁嘅情況出現，估唔到保濕能力幾好。

除此之外，另一樣令我有驚喜嘅係佢有層次嘅香味。初時覺得Neutrogena Rainbath嘅香味屬於濃厚花香型，點知使用時，發覺佢係有點清新水果香味，估唔到洗澡後發覺仲隱約有陣木香味😍（利申：本人是木味香水支持者），醒神又清新的感覺。

比對本人過往使用的沐浴露，Neutrogena Rainbath唔算最香，但香味係最持久，香味層次亦係最多；佢泡沫唔係我使用過嘅最多和綿密，但都表現亦算中上；清潔力和保濕力都幾好，唔會覺得洗完唔夠清爽，但又會皮膚掹掹緊，好啱香港春夏季使用，所以我係會推薦Neutrogena Rainbath比家人和朋友嘅。