MENTHOLATUM 曼秀雷敦

蜂蜜保濕舒緩酵素面膜

我係混合性偏乾肌膚 ，一轉季或者天氣變，皮膚就好容易變得敏感，所以揀選護膚品方面特別小心！

呢款曼秀雷敦蜂蜜保濕舒緩酵素面膜可以做到保濕鎖水同埋舒緩嘅功效，我用完之後塊面冇敏感，屬於溫和唔會致敏嘅面膜。

前一晚敷完呢一款面膜，第二朝上妝會特別貼服。平時跟返護膚程序，第二朝 化妝可能會出現卡粉或者唔上妝嘅情況 。但我前一晚敷咗呢塊面膜 ，就冇呢個情況出現，而且第二朝塊面依然都係好水潤。唔會因為過咗一晚就冇晒效果。

如果你都係搵緊一款可以做到保濕嘅面膜，可以試吓呢款曼秀雷敦蜂蜜保濕舒緩酵素面膜， 唔單止做到鎖水效果，仲可以幫助強化肌膚屏障。