HADA LABO 肌研

水潤物理防曬保濕霜

多謝@COSME提供試用 !! 好慷慨係50g正貨俾我哋慢慢試!
我知道查防曬可以抗老抗皺紋 抗雀斑 !!
所以盡量出街都會查防曬
(不過成個三月每日都陰天咁滯 我有時都懶搽😛)
但搵一隻啱搽面嘅防曬唔係咁容易
之前試過好多隻搞到塊面同埋條頸出粒粒
最後用allie 就唔出粒粒
不過佢始終唔係物理性防曬…
一直都想搵啱搽面嘅 物理性防曬 !!

肌研不嬲都做開護膚品 以我所知冇出防曬
但我見佢其實係曼秀雷頓出品😅
比起平時用嘅allie 質地厚啲
但都唔算難推
暫時試用呢個禮拜都冇出粒粒
不過呢樣試耐啲先知 可能遲啲天氣熱又唔同

另外我鍾意佢細細支 放喺手袋都冇乜存在感
方便我補防曬
至於查咗化妝會唔會起擦紙膠碎我就答唔到啦
最近都冇化妝
但作為面部防曬仲要係物理性防曬佢絕對 合格 ！