LAURA MERCIER

極緻潤澤養膚底霜

Laura Mercier 2024人氣話題新品推薦🩵

如果講起無瑕底妝，會有好多人一諗就諗到Laura Mercier呢個底妝權威，全新出既「極緻全效養膚底霜系列」有三種功能性底霜，分別可以做到保濕、控油同埋淨白透亮嘅效果，養膚、持妝、提升肌膚質感3 in 1！今次主要係試用「極緻潤澤養膚底霜」，入面含有法國礦泉水同甘油，妝前為肌膚注滿及鎖住水份長達24小時。我係混合性偏油皮膚，做嘢全日需要坐喺冷氣房同埋戴口罩，所以底妝一定要持久輕薄，要夠潤又唔可以焗到出粒粒。呢款底霜用起上嚟質感輕透冇負擔，唔會黐立立，皮膚比較乾甩皮嘅位置上完底霜都可以令到底妝非常貼服，配合埋油光透明蜜粉係夏日冷氣房就更加持久～另外「極緻柔焦養膚底霜」都超級好用！！用喺T字位/毛孔粗大嘅地方，可以減少油光，同時保持保濕修護功能，入邊有紅菽草萃取同埋控油微
珠，資料話持續使用仲可以平滑同細緻膚質，改善埋毛孔粗大😱至於「極緻光感養膚底霜」入面有極細緻珍珠微粒，可以令到皮膚更加白淨有透明感，由底層打造出好膚質既光澤，仲有效提升細紋同紅印。如果成個系列可以加埋防曬成分就好啦！