LAURA MERCIER

柔光透明蜜粉

今次試用Laura Mercier既王牌產品「柔光透明蜜粉」😍

啱啱開始學化妝，已經見過好多化妝師用Laura Mercier既碎粉。之前聽個百萬follower youtuber講過，碎粉係比foundation更值得投資，因為一個粉質好嘅碎粉係可以令到你嘅粉底質感提升好多好多，但如果你嘅粉底好靚而碎粉唔好，個底妝一樣會一撻撻。一個真正時尚既女仔係唔需要濃妝艷抹，反而不刻意咁透出精緻既膚質，係更加吸引。

我本身皮膚乾得黎又會出油，但係呢個碎粉唔會令人甩皮得黎，又控制到遲d出油，用落原來都幾適合混合性皮膚！！佢可以吸附面部多餘油脂，令到妝容更加持久，同時粉質幼滑、輕身，唔會卡喺乾紋入面，而且顏色偏向透明，唔會影響底妝顏色，令到成個妝感更加厚重。對於係香港又熱又焗既環境底下居住，同時成日吹冷氣既人黎講，真係應付到所有嘅需求。測試期間試過用正常粉底、cushion、有色防曬，配合呢個碎粉用都完全冇問題。惟一唔好處就係一般碎粉既唔好處，會用到周圍都係🙈