YSL BEAUTÉ

情迷凝亮唇蜜

試用YSL Loveshine Candy Glaze
情迷凝亮唇蜜#13水光玫瑰
嘩～依枝唇膏形嘅唇蜜真係潤到不得了！而且好上色、水光感up!
原來依枝係YSL首次推出嘅固體唇蜜，而唔係平時用開嘅唇膏，唔怪之得搽出黎嘅效果係好似用左lip gloss咁，好有光澤、有玻璃感。超鍾意佢做到依個效果但又唔會黐立立（不黏膩）。
本身我嘅唇部有唇紋、好乾，平時要keep住搽潤唇膏，所以搽唇膏前我都慣用潤唇膏打底先。依枝唇蜜說明係話旋轉6次進行一次塗抹，我平時化開淡妝，所以我用嘅份量大概係旋轉3次，出黎嘅效果已經好上色、好有水光感，唇紋都減少左！
依枝唇蜜真係好潤，我用左4個鐘都冇覺得唇部乾緊，依然係好水潤。試過用滋潤度唔夠嘅唇膏，個零鐘嘴唇已經會feel到乾緊及現唇紋。
持久度正常發揮唔算特別強，飲水會印落個杯到，不過唔太影響唇色，同平時用開其他專櫃牌子差不多。

❤️強烈推薦依款YSL情迷凝亮唇蜜💄俾鐘意水盈豐潤效果嘅人！