Dior

誘惑豐盈水潤唇彩

Dior Addict Lip Maximizer #001 Pink (誘惑豐盈水潤唇彩 #001 粉紅) 這是一款具有豐唇效果的唇彩，提供豐盈、鏡面般的光澤感。 注入透明質酸和櫻桃油，能瞬間打造豐滿飽滿的雙唇，同時提供長達 24 小時的保濕效果。

鏡中有鏡 外殻修身稜角設計 從包包拿出來時 讓人有穩重大姐姐感 再定目 透明框配上鏡面蓋子 優雅大方 可採用輕身的膠材質 又不會使拿的人有負擔感 扭開蓋子 沾上唇蜜的海綿長刷頭 增加精準度 在上唇中央劃叉後 抹開 營造立體亮感 循下唇內側塗 就有豐盈飽滿感 無論是出門前還是飯後補妝都很就手✨*但要等一會兒成膜才戴口罩 不然會黏著

平時因為怕麻煩 多數都會買唔使望鏡都搽到嘅唇膏 好少買唇彩 dior呢支觀望咗好耐 終於買咗🩷 化妝師細心揀咗幾隻畀我睇 最後揀咗呢隻027 就咁睇會覺得佢比較紅 但係搽上口會有少少珊瑚色 一打開就聞到濃烈嘅雲呢拿味 鍾唔鍾意就好個人 我自己係ok嘅 唇掃細細地幾好用 上嘴我個人嚟講唔算好遮到本身嘅唇色 比較自然😗 涼涼哋幾舒服 有啲人話會好辣我就唔太覺 滋潤度足夠 持久度就一般 佢呢隻質地我諗大家都會抹咗先食嘢😂 大牌子嚟講唔算太貴 顏色選擇都夠多 攞出街都開心 整體都滿意

唇彩是我最種意、不斷買的唇彩之一。其具有很好的保濕效果，讓嘴唇感覺柔軟且水潤，適合乾燥季節使用。搽上嘴上涼涼的，聞到淡淡的甜香味，仲有少少薄荷味。另外，搽上去顏色飽滿且鮮豔，能夠輕易提升整體妝容的亮度，也減少唇紋的增生，及令唇紋不是太明顯。令人驚喜的是，其持妝力又唔錯。雖然不如唇膏持久，但若果脫色，又會好似唇部上左色咁，仲會有少少色殘留。 適合肌膚：任何，但G6PD 人士唔知有冇影響 成效度：5/5 保濕度：4/5 質地：Glossary 光澤度：5/5 持香度：3/5

整體評價： ★★★★☆ (4.5/5星) 「一支集潤唇、豐唇同靚色於一身嘅唇彩，日常必備！」 · 質地好水潤，唔會黐立立，上嘴好舒服。 · 帶有少少冰涼感，唔會好似搽咗藥膏咁誇張，感覺好Refresh，尤其係夏天用好正！ · 唔會好似有層膜咁焗住隻唇，透氣度幾好。 · #018 呢隻色係一隻好靚嘅裸粉調，帶一啲好細緻嘅閃粉，唔會太誇張。 · 單搽一層會係好自然嘅「My Lips But Better」效果，提升咗本身唇色嘅紅潤感。 · 疊擦兩三層，顏色會出啲，光澤感會更強，好似啫喱唇咁水嘟嘟，好Juicy！ · 佢嘅閃係好有高級感，唔會俗氣，日光同燈光下睇都好靚。 · 滋潤度非常好！好似搽咗潤唇膏咁，可以撫平啲乾紋。就算個效果冇咗，嘴唇都keep住係軟淋淋嘅狀態。

呢排用緊 Dior Addict Lip Maximizer plumping gloss，唔會乾，仲可以完全遮住唇紋，我買咗009 intense rosewood，好適合淺夏人用，係帶少少紫調嘅粉色. 🤍 滋潤度：4/5 質地水潤又豐盈，搽上嘴完全唔黏笠，唔會令唇部乾燥，保濕效果一流！ 🤍 遮唇紋效果：5/5 真心驚喜！一搽上去即刻遮晒唇紋，睇落嘴唇飽滿咗好多，唔會好似一般唇彩咁卡紋，仲有種自然嘭潤感～ 🤍 顯白度：4.5/5 009 intense rosewood 呢隻色超襯淺夏人！紫調粉紅色好顯氣色🤍 🤍 持久度：3.5/5 始終係gloss質地，食嘢飲水會掉色，但唔會話掉得好斑駁，補搽都好方便，而且補完都唔會積線或起皮～ 總結： 如果你鍾意水潤嘭唇效果，又怕唇彩乾燥顯紋，Dior呢支plumping gloss絕對值得入手！會回購！

之前買東西送的0號無色，覺得涼涼的，夏天使用很不錯，所以用完就入手了12號色。 從管身可以看到裏面有細細的閃粉，但上嘴不明顯。看人家的試色是滿顯色的，但我上嘴還是沒有顏色…只是變成亮亮的玻璃質感的嘴唇…最後要和其他唇膏疊擦才有顏色，不然就會顯得嘴唇蒼白…照片裏是疊擦Dior200號唇膏加上12號唇蜜。這個配搭我還是很滿意的，但是下次購買會選擇更加深色的唇蜜，這樣就不需要疊擦了。 持久度的話是沒有的，畢竟就是普通的唇蜜質地，一喝東西或擦嘴就沒了。 滋潤度的話也是還可以。如果有喜歡的顏色還是會回購的。 *千萬不要冬天擦，會冷到懷疑人生！

日本機場免稅店購入$200都唔使 相比嚟講其實都幾抵，因為個樽超靚 出街補妝都開心啲。 另外佢搽上嘴會有薄荷嗰種辣辣地嘅感覺，係會好refresh 而且我自己本身唇色比較深，如果用有色嘅唇膏好易都會變咗色，但佢呢隻多咗啲亮澤嘅效果睇上去會淺色啲。 除咗呢隻色仲買咗隻橙橙地透明嗰款，兩款效果相近，呢隻最Basic嘅透明粉色會淡色啲。 如果冇化妝用呢隻會比較適合🩷

004 顏色偏橙色，透明等十足。 我用咗之後個嘴真係唔甩皮，仲有少少豐唇嘅效果。除咗價錢比較貴之外😂搵唔到缺點， 值得回購。

這枝色號是009💄 比較適合淺唇 素顏也可以用 提氣色不突兀‍ 雖然不成膜 但是很滋潤 而且上嘴有涼涼的感覺很舒服💖 是我在2025年會繼續回購的單品🥰

日本買Dior beauty 特別平 每次去日本都會買返幾件產品 上年去日本買咗呢支嘅009 特別hit嘅顏色 呢支唇蜜搽上嘴會有少少薄荷涼感 有少少豐唇感 顏色都非常鐘意 係好靚好溫柔嘅豆沙色 好啱返工用

搽起上嚟比較薄荷味，質感比較厚身只係薄薄搽一浸就已經OK。

購自dior 專門店✐☡✐☡ 呢枝係朋友送嘅畢業禮物～佢買左枝比較熱門嘅豆沙色٩(*'ω'*)و 好岩我呢啲無血色星人，搽上嘴即刻睇落精神哂ᕙ( ˙꒳​˙ )ᕗ 呢枝唇彩超潤！有時候唔搽潤唇膏直接上都得♡ 試色圖上面係只搽唇彩，下面係搽完潤唇膏再疊加潤彩～٩(°̀ᗝ°́)و

呢隻係012號色, rosewood色，我覺得幾上色,唔易甩, 又唔會太紅，好自然的， 搽完亦唔會痴笠笠, 購至專門店，要$340 一支，都有啲小貴，不考慮回購、再搵其他唇膏試

我呢個係舊版嘅包裝，喺日本買嘅。Dior唇彩一向都好好好，飽和度唔高，非常滋潤。搽上去有啲清涼嘅感覺，自帶豐唇效果。