CHANEL

極致持久亮色兩用唇彩

Chanel 既持久兩用唇彩，一邊係唇彩，另一邊係透明唇蜜。上唇有少少乾，但唔顯唇紋，一疊加透明唇蜜即刻變玻璃唇超靚！而且好long lasting，食飯期間都keep到色，唔會積白線。可能因為太持久，卸妝時要多少少時間，但對我嚟講完全唔係缺點！ 🤍 持久度：5/5 好持久！試過食飯飲湯後都仲有七八成顏色留喺度，而且唔會斑駁或積線，抵讚！ 🤍 妝效變化：4.5/5 單用唇彩係啞緻高級感，加唇蜜即刻變水潤玻璃唇，一支兩種效果，好抵😂 🤍 舒適度：4/5 唇彩部分有少少乾，但唔會抽乾水分或顯唇紋，加咗唇蜜後更加舒服零負擔～ 🤍 卸妝難度：4/5（難） 要用眼唇卸妝液敷多十秒先卸得乾淨，但為咗個持久效果，絕對可以接受！ 總結： 如果你鍾意long lasting唇妝，又貪心想要啞緻同玻璃唇兩種效果，Chanel呢支兩用唇彩絕對值得投資！雖然價錢偏高，但效果對得住個價～已經成為我近期最愛唇彩之一，會回購！

顏色靚，可以last 好耐，加左透明果層好有光澤感，但耐左會有啲乾。

166# 裸色帶少許橙色，好易襯，顯白，不顯唇紋，glossy 光亮妝感，易卸妝。

唇頰兩用可令配色吻合 質地水潤 不顯唇紋 顏色漂亮實用 容易上色 打造偽素顏妝容

鐘意奶茶蜜桃色可以揀 - #40 佢好好話有兩個效果 淨係用有色嘅部份係啞緻， 再on top查多層透明gloss ,呢個時候可以變返glossy 同埋顏色超持久 佢是限量版，一定要買 👌🏻

🤧🤧🤧我用左一次就立揼落垃圾桶，佢有一種棉花糖味（我自己本身唔鍾意有味嘅化妝品）仲好難落妝