YSL BEAUTÉ

情迷水光唇膏

好多謝被@cosme抽中試用YSL既LOVESHINE情迷水光唇膏
色號80 GLOWING LAVA蕃茄楓葉
一向都好鍾意YSL的唇膏，之前用既都係迷魅亮彩唇膏，今次係第一次試佢地既升級版情迷水光唇膏。情迷水光唇膏既外型比之前更加靚，係銀色既外殼加埋橫向YSL CASSANDRE標誌，真係好有質感。香味亦係一直YSL獨有既唇膏香味。
GLOWING LAVA既顏色係偏向橙色既紅，蕃茄楓葉四個字完全表達到隻顏色，一開始試係手覺得好似太紅，但上左咀發現其實都好適合普通日常妝容，好顯色息，令自己變得更加精神，而且有水光感，如果平時要去打卡影相或者dating我都會用依隻唇膏，因為真係好靚。
全新情迷水光唇膏結合左6大護唇油，提供長達24小時既水感補濕功效。本身我個咀都有少少乾，搽情迷水光唇膏係完全唔怕會卡唇皮，反而有助撫平唇紋，令到唇紋冇咁覺眼，而且上唇係好順滑又滋潤，真係好方便，唔需要係搽唇膏前特登再搽一次潤唇膏，而且顏色持久。