YSL BEAUTÉ

情迷水光唇膏

感謝@cosme 嘅兩枝YSL新品唇膏，分別係Loveshine情迷水光唇膏(112 Caramel Swirl)同埋Loveshine Candy Glaze 情迷凝亮唇蜜(13 Flashing Rose)

首先，好欣賞YSL唇膏嘅外觀，作為顏值控 一見到個包裝已經好吸引，而且今次嘅新品主要係亮澤型嘅妝效。對於嘴唇一向好乾嘅我，平時就算用唇膏前都會先用潤唇膏做打底 ，確保嘴唇唔會甩皮，但係今次嘅唇膏令我好驚喜，一搽上嘴已經好順滑，好潤，同埋好保濕，開頭都驚唇膏嘅滋潤度只可以維持短時間，但係經過大半日係冇食嘢嘅情況下， 嘴唇依然滋潤不乾燥，去到卸妝嗰陣嘴唇狀態都係冇甩皮！

顏色方面， 112 Caramel Swirl 會係比較 明亮，紅調較多 ，郁塗的話 會有一種日雜感，帶少少棕調 ，對於日常返學、上班、約會都十分合適！

而13 Flashing Rose就係比較淡嘅玫瑰玫瑰色，上嘴不會太誇張 ，可以疊加幾層，都有一種鮮嫩水蜜桃色嘅感覺，對於日常喜愛想低調、自然嘅顏色去上班同返學就最好不過！