YSL BEAUTÉ

情迷水光唇膏

感謝@cosme邀請試用YSL Loveshine情迷水光唇膏～今次試既色號係#80 Growing Lava。首先外觀包裝轉換咗新嘅銀色外殼，比以往金色外殼多一種新鮮感。而且唇膏亦有 淡淡嘅香味～

而使用咗兩日，搽上咀嘅感覺有輕透水光 亮澤感，感覺好似搽咗潤唇膏一樣咁滋潤， 而且有好絲滑嘅感覺，滋潤得黎唔黏膩，而且有保濕同鎖水嘅功效，因呢款唇膏 係舊有亮彩唇膏嘅upgrade版本，有護唇油嘅成份，可以撫平埋唇紋，而且亦帶有唇膏嘅色澤，而我個人亦都好喜歡呢種帶有啡紅色嘅色系，非常適合 整體有光澤感嘅妝容～

而就算經過一整日或者食完野， 唇膏本身嘅顏色冇甩得太多， 仍然keep住有光澤感， 嘴唇依然唔會乾燥，維持到保濕滋潤嘅感覺。因為 結合咗六大護唇油，可以達到24小時嘅水感保濕功效。 整體嚟講唇膏有色澤而且保濕鎖水，並長期 達到補水功效，個人認為非常值得推薦！

好用推薦：❤️❤️❤️❤️