Haruhada

冰感耐水防曬噴霧 SPF50+/PA++++

好幸運得到@cosme 邀請並抽中試用Haruhada冰感耐水防曬噴霧！

炎夏將至，又係時間準備定防曬用品。

本身都prefer水感重或者gel狀嘅防曬用品，𣲷同泛白嘅產品就算防曬效果幾好我都接受唔到。而「冰感」亦係近年夏天我用護膚品時一個好加分嘅因素！我都唔知係因為自己越嚟越怕熱，抑或天氣真係越嚟越熱呢⋯？總之見到冰感效果嘅產品，都會好想試！所以呢隻冰感Sport UV Spray真係100%合我心意！

收到試用品即刻開黎試試～質地輕柔清爽，一噴上皮膚即刻有冰涼感同埋淡淡嘅薄荷味，同埋完全唔會感到𣲷或油。顏色透明，所以無泛白問題。噴上皮膚一陣之後就會感到有一層薄而絲滑嘅coating. 之後做沖水測試，都有效防水不脫，所以戶外活動、水上運動都好岩用。

由於收到試用品後都一直落雨，所以未能夠正面對決猛烈嘅陽光，但產品有SPF50+ PA++++嘅指數，我對佢嘅防曬能力都相當有信心，遲啲天氣好返多啲出外走走就會再試下。

整體黎講呢隻產品真係好適合酷暑，不過冰感維持時間較短，限於噴上皮膚嘅瞬間，之後就好快消失⋯如果可以涼爽多一陣就更好了！

再次多謝@cosme 俾機會我試呢支新產品☺️