NARS

胭脂

經典黑盒包裝，簡單利落！今次個包裝變成可重用外殼，可以換補充裝！外殼物料亦似乎係更新左架～半濕抹一抹，冇晒指紋粉印，希望唔好再痴笠笠啦～

今次試岩岩5月份全新升級既NARS胭脂（色號：900 BEHAVE）唔知新舊版BEHAVE色號有冇唔同。不過一打開就get到係日常fit晒既溫柔低調色～豆沙粉，帶少少蜜桃色，但完全冇閃，真係純啞面既！我拎左另一隻我自己番工時好中意既nude pop比較顏色（指腹vs化妝掃）完全唔輸蝕，一樣百搭！！

上臉比粉盒睇落淺色少許。粉質幼細，易推易暈，冇結塊，唔顯毛孔，幾貼膚，亦好輕身！佢勁易取粉，夠晒顯色，但用掃上會比指腹推得模糊d靚d，慢慢疊，腮紅更加自然！好似天然就咁好氣色！

由於BEHAVE隻色飽和度唔算高，日常生活咩場合都用到，唔恰人用，新手入手就岩晒啦！而無論黃皮白皮均一樣ok，亦好易做到純真無辜既氛圍感！

平時番工口罩戴戴除除～全日連搭車時間都冇補過。呢幾日又暴雨又暴曬咁極端既天氣，番到屋企都仲見有剩80-90%，持妝度Pass✅