NARS

胭脂

感謝@cosme 抽中我試用全新升級嘅NARS皇牌胭脂！我一直都係NARS胭脂啲用家，無論係單色胭脂定Cheek Palette 都好鐘意用。新升級嘅胭脂換上咗環保包裝，用完可以換第二隻色調，好適合用開佢單色胭脂嘅我🥰今次好開心可以抽中試用幾年前新出嘅色調Behave，依個啞緻藕粉色非常自然，Matte質地無帶任何閃粉，雖然好顯色，但就算掃多幾下都唔覺得重手咗，新手用都唔洗驚😆個人覺得特別適合皮膚較白嘅人。

新升級胭脂同以前一樣都粉質好細滑，而且非常持久，琴日由朝到晚出咗街超過12個鐘，期間無補過妝，返到屋企都仲保持到😳仲唔會覺得乾或者甩到一撻撻，持妝效果非常好！依個色調都幾啱夏天用，相信會係我今個夏天經常會用到嘅胭脂☺️