INNISFREE

天然能量面膜 - 巴西梅

多謝@cosme嘅試用邀請，今次係innisfree嘅綠茶面膜同巴西莓面膜 。
打開面膜可以見到滿滿嘅精華，乳白色比較接近乳液嘅質地。面膜嘅剪裁好好，加上佢嘅材質係好柔軟好似棉咁樣，整張吸滿晒精華，就算撕返落嚟個陣都仲係好濕。敷緊嗰陣就算坐喺度做野亦唔會滴落嚟。
我每次都敷15分鐘，聞到係莓果香，我覺得都算比較甜嘅氣味。敷完包裝入面都仲有精華剩，我會塗上臉再用刮痧板按摩一陣再洗面。
最近嘅天氣剛剛開始轉乾，早晚溫差又大，我連續敷咗innisfree嘅面膜6日，睇落感覺有變得更透亮，本身到下午皮膚就會覺得乾，但最近都少咗好多乾癢嘅感覺。