NIVEA

DERMA CARE科研 PHA煥膚柔嫩奇肌雙管精萃凝乳

感謝@cosme&Nivea舉辦今次body lotion試用活動💜

今次試用咗兩枝雙管精萃凝乳，分別係「Repair&Care舒敏修護」，同埋「PHA煥膚柔嫩」。兩枝嘅特色都係有外管同內管，外管係玻尿酸，維他命B5等結合嘅補水精華，內管就各有不同，Repair&Care嗰枝有甘油，角鯊烷等，主打滋潤保濕；而PHA嗰枝有水楊酸，果酸等，改善粗糙暗沉。Nivea呢個系列本身喺台灣已經好出名，成日喺dcard見到有人介紹，估唔到而家香港居然都有!!

質地方面，兩枝都吸收得極快，尤其而家夏天，搽完即刻出街完全唔會痴立立，好似冇搽嘢咁，但又可以補濕，質地100分!! 不過兩枝對比之下，PHA版會吸收得再快少少🤏🏻

因為我最近比較少敏感，所以test唔到佢可唔可以舒緩敏感泛紅，但兩枝搽上身都係微香幾舒服。尤其手踭位，用咗PHA版後，我暗粒少咗淡咗(如圖)，短短幾日就有咁嘅效果，相信持續用落去個效果會更可觀!而且酸類產品近年用嚟去角質都幾hit，估唔到而家body lotion都可以做到，PHA呢枝嘅效果真係頗令我驚喜~

Before:After:
最後想講下兩枝管，開頭未識吱我成日淨係吱到外管精華，之後先發現原來後面有寫「最佳按壓位置」😹，撳住嗰到垂直咁吱就可以吱到晒兩管嘅精華，有相同困擾嘅大家可以留意下~~