NIVEA

DERMA CARE科研 淨白透亮奇肌雙管精萃凝乳

除咗使用舒敏修護雙管精萃凝乳之外，我最近再試咗淨白透亮奇肌雙管精萃凝乳。
質地：4.5/5
保濕：3.5/5
美白：3/5

兩款cream嘅質地幾乎一模一樣，呢款cream亦都非常容易吸收，唔會令人覺得好黐立立，而且呢一個系列嘅cream都有種好淡嘅香味，唔會令人覺得好刺鼻，你享受搽cream嘅過程。

我自己本人嘅皮膚係比較乾，一款比起舒緩修護嘅嗰一款保濕度冇咁高，雖然係有保濕嘅，但係就冇另外一支咁有效。但係對於能唔能夠變得白，我就暫時未感覺到啲咩明顯嘅效果，可能係因為我淨係用咗兩個禮拜。不過好似有少少暗嘅效果，我喺沖涼，用完磨砂之後再搽，覺得啲關節位好似淺色咗，雖然整體膚色冇變化，但係就睇落好似均勻左。