NIVEA

DERMA CARE科研 舒敏修護雙管精萃凝乳

收到@cosme的嘅邀請，收到舒敏修護雙管精萃凝乳及PC淨白透亮奇肌雙管精萃凝乳各一支。先講少少我嘅日常護膚習慣。我平時在家工作，因為唔鍾意香港夏天潮濕嘅感覺，所以長開冷氣。久而久之，就算香港濕度高，皮膚仍然會覺得乾燥，特別係手同腳肘，有時甚至會乾到痕，起乾紋，甚至起白皮屑。

本身平時沖完涼偶然都有搽吓body lotion。一直以來都係Nivea Q10系列嘅忠實擁躉。 不過有時都會懶，唔係晚晚都會搽。今次收到新產品即刻開嚟試用。 我分別用咗四晚舒敏同四晚淨白凝乳。

我會好似唧煉奶咁樣係沖完涼，直接將凝乳唧上手腳同埋身體，然之後搽匀。 舒敏系列有淡淡天然嘅香味。搽匀之後好快吸收，之後上床瞓覺都唔會有痴立立啜住床單嘅感覺。比係Q10嗰隻柔滑易推嘅質地，呢隻更加清爽，好適合夏天使用，但滋潤嘅感覺就冇咁強烈。我會係臨瞓再保搽係手 踭同腳踭，咁就會啱啱好，不太多亦不太少，朝痕嘅問題亦得以解決。至於美白配方，因為只係用得幾日時間，坦白講真係唔係太見到美白效果，但佢同樣都係以質地取勝！

如果大家係好怕搽完lotion會有黏立同滑潺潺嘅感覺，高度推介大家試下呢款雙管設計嘅凝乳。一支集齊乳液嘅滋潤同啫喱嘅清爽，最適合潮濕嘅香港。