NARS

Light Reflecting™ 原生光定妝噴霧

感謝 @cosme 抽中我試用今次NARS的產品！今次試用的是NARS LIGHT REFLECTING™ 原生光定妝噴霧 ～

之前一直未有使用定妝噴霧的我，很快就會出現浮粉及脫妝的問題，直到今次試用咗呢款定妝噴霧，發現原來真係可以延長keep妝的時間！

官方指呢款NARS LIGHT REFLECTING™ 原生光定妝噴霧採用Invisible Lock Technology隱形鎖色技術，可以抗水、抗汗、抗潮濕，避免脫妝及暈染，有效12小時長效鎖妝。

我分別喺臉部同手部做咗2個測試：
- 臉部：完妝後噴上持妝噴霧，等待5分鐘後戴口罩出門。
- 結果：可能因為天氣實在比較悶熱，經歷1小時車程返到公司，見到會有口罩痕。但額頭冇遮蓋的位置就比較完整，即使有出汗，都唔會甩粉。而去到夜晚返屋企真係過左12小時，整體妝容大致同中午冇太大分別。

呢張係出門前10:30AM影.


- 手部：左右手背塗上粉底液，一邊有使用持妝噴霧，一邊沒有。等待5分鐘後用紙巾印背，觀察紙巾有沒有染上殘留的粉底液。
- 結果：沒有使用持妝噴霧的手背，紙巾會染上較多殘留的粉底液；而使用了持妝噴霧的手背，有很明顯的成膜感覺！即使印上紙巾，亦只有極少量的粉底液痕跡！

呢張係約11:30PM影.

整體使用感覺：有好強的成膜感，相信呢個就係持妝噴霧的關鍵，但抗水抗汗的效果未如理想。如果當日行程多數係室內活動，而且天氣清涼乾爽的話，有埋持妝噴霧加持，我會更加有信心可以保持完整的妝容一整天💕