Barrier Repair

BICELLE 高滲透納米保濕面膜 - 深層滋潤型

首先感謝 @cosme 邀請我去試用Barrier Repair嘅Bicelle高滲透納米保濕面膜 深層滋潤型。

平日好怕好笠嘅我，都有啲怕深層滋潤型面膜唔係好岩我（平日我用開純補水面膜），但試完嘅時候又覺得呢個有少少驚喜。

一打開個袋面膜紙已經完全吸收哂精華液，所以敷上面係滿滿嘅精華！而面膜紙嘅眼部位置係需要自行撕掉，由於我係長面型嘅關係，我需要慢慢調整面膜覆蓋面部嘅位置。

敷完面膜之後，感覺塊面飲飽水，咁岩收到試用產品嘅時候正值好乾嘅日子，第二朝起身都覺得塊面唔會好乾。

試完呢盒面膜，我會再回購。