Barrier Repair

BICELLE 高滲透納米保濕面膜 - 深層滋潤型

感謝@cosme 今次抽中我試用呢款面膜～其實bb肌一直以黎都好heat，但係我都未有試過舊版，今次有機會可以直接試下新版。先講下味道，我覺得似係薏米嘅味道，都係偏自然，唔係啲好濃嘅香精味。另外膜布設計方面，厚薄適中，但係有好多開口位，如果直接貼反而唔係好貼膚，搣開再貼會好啲，同埋眼睛位都係，開口喺上面，所以如果要敷住面膜做嘢都係要撕開，但如果開口喺下面就可以順便敷埋上眼皮，依家只可以敷多層喺黑眼圈。精華質地唔係稀到好似水咁樣，所以唔使驚敷住嘅時候精華到處流，但係精華感覺唔係特別多，所以都比較快乾，敷完唔會感覺塊面黐笠笠。敷完效果皮膚係偏水潤光滑嘅，唔會好乾起皮，但係鎖水效果唔係特別長效，所以後續補濕程序都要跟上，可能對於乾性肌黎講，再乾燥啲嘅秋冬天就未必夠滋潤啦。整體感覺中規中矩，有可以再改善嘅空間，但係我個人未必會回購先。