MENTHOLATUM 曼秀雷敦

LIP PURE OIL 天然植物精華油潤唇膏(玫瑰果)

首先多謝Cosme嘅試用邀請，一次過試用三款潤唇膏。試呢款曼秀雷敦新出嘅潤唇膏， LIP PURE OIL 天然植物精華油潤唇膏（玫瑰果）
以前有用過第一代lip Pure潤唇膏，感覺都唔錯，今次呢隻新款一樣都感覺幾好，搽上嘴唇 好滋潤，玫瑰果味都幾香，味道唔會好濁，三款之中我最鍾意係呢隻味道。
質地方面，軟硬適中。 滋潤方面，暫時嚟講依家天氣唔算太乾燥，不過我嘅嘴唇 都好易乾燥，好容易有乾紋，所以每日都要用。查完呢支潤唇膏 之後如果冇食嘢抹甩的話，都可以維持好耐， 滋潤度都OK，唔會好黐立立，作為日常嘅唇部 滋潤已經足夠，另外擦完之後嘴唇唔會甩皮，搽上個嘴又比較自然，效果好滿意 。喺冷氣房度用，即時可以保濕滋潤嘴唇。
成份天然，食嘢之前唔使抹甩佢，好方便。又唔會整污糟到手指，整體CP值都好高。
潤唇膏嘅蓋係六角型唔會碌走，仲有隻蜜蜂形狀 喺個蓋度，好得意。