YHKcare

SenRelief® 舒敏精華水

我本身係敏感偏乾的膚質，每次洗完面如果唔搽化妝水就會覺得掹住掹住，尤其呢排天氣越嚟越乾燥，保濕就更加重要。夏天的時候用開origin靈芝水，但係去到秋冬就略嫌太輕身唔夠 滋潤。今次好幸運得到cosme提供試用今次試用呢隻SenRelief® 舒敏精華水。睇到介紹已經好期待，因為蘊含β-葡聚醣、依克多因、維生素B3、茉莉花水，全部都係啲皮膚好好嘅成份，唔單止可以保濕，仲可以舒緩敏感肌膚，仲有消炎同強化的功效， 啱晒敏感肌的我。同面霜一樣，包裝好有質感，有少少重手。精華水的質地係帶有流動性， 但就唔會稀到好似水咁，搽上面感覺好 舒服， 冇令人不適嘅香料， 反而係淡淡天然嘅清香，比起靈芝水佢嘅味道更加令人容易接受。而且佢好快就吸收， 配合埋面霜 真係有留住左水份嘅感覺。 喺試用左的個幾星期， 曾經有一日皮膚無啦啦起咗少少好似蚊爛嘅紅印，我就即刻用精華濕敷， 冰冰涼涼即刻減退痕癢嘅感覺，隔咗一陣紅印就消退咗，
紓緩效果都令人好滿意。