Avene

極速保濕水漾精華

本人膚質混合性偏乾，比較容易敏感，冬天U字位比較乾，容易起皮。感謝@Cosme 邀請我參與試用活動。

「極速保濕水漾精華」
樽身係玻璃樽，用滴管設計。聞落去有淡淡香味，真係非常之輕微嘅香味，呢點非常之好，因為我同樣有鼻敏感，對於好香嘅護膚品係好抗拒。
精華顏色透明，水狀質地有少少黏似jelly，容易推開流動性強，搽上面好容易吸收，感覺清爽唔會有黏笠感，用完即時有感覺滑咗。

我嘅護膚流程係化妝水>眼霜>精華>日霜/夜霜>防曬

試用第一日，滴咗兩滴，感覺吸收得好快，仲有少少唔夠保濕。試用第二日，滴三滴，同樣吸收得好快，保濕加強咗，用完訓醒第2日感覺皮膚滑左唔會猛緊，keep住用左5日感覺皮膚好夠潤，眼睇唔覺有大分別但上妝就好明顯貼左無卡粉。So far 無見到起皮嘅情況出現～

之後仲嘗試同佢支淡斑精華疊加一齊用，我嘅護膚流程係先用保濕精華打底，再用美白精華，感覺保濕得嚟仲提亮咗膚色，不錯！