ARMANI Beauty

Power Fabric Pro 專業柔霧持妝粉底液

首先，非常感謝@cosme 比我試用Armani 的 power fabric pro。佢哋前兩代粉底液我都有買，到而家都仲有用緊 power fabric+。

呢一款粉底液有睇過介紹，升級咗由液轉粉嘅質感，可以打造一個輕盈柔霧嘅效果。
試上手而言，今次power fabric pro 嘅質地比上一代power fabric+更加容易推開一點，不過差別不大。
喺擦完base之後可以見到皮膚仲有啲瑕疵。之後就開始上粉底液。
上完一層薄薄地嘅粉底液之後，可以見到塊面嘅瑕疵都已經遮到7成左右，同時毛孔都睇起來比上粉底液前細緻同幼滑。同上一代比較，power fabric pro的柔霧感會比power fabric+ 多。
因為平時比較鍾意自然嘅妝效，所以冇上多一層粉底液。
上咗妝4-5小時後，可以睇得出妝感都比較自然，毛孔冇剛上妝時細緻但都睇起來比較自然。同時鼻翼有少量出油情況。
上咗妝12個小時後，明顯出油狀況比較多，同時有少少脫妝。不過以化咗妝嚟講仍然保持比較自然的效果來說，還是很可以的。

測試咗幾日，如果需要持妝6-8小時，可以不用額外補妝，但如果要持妝8小時以上，中午再上多層薄薄的碎粉妝效會比較好呢～