購買資訊

曾經係一個熱話嘅韓國數字面膜，唔同嘅數字主攻唔同嘅功效！最為人熟悉嘅應該係佢嘅1號同埋5號💕 一打開包裝，就見到入邊好多嘅精華，記得唔好嘥，搽埋上頸部嘅位置😆 🫶🏾面膜嘅貼合程度算唔錯，但係我覺得偏厚咗少少，可能係我自己比較偏愛薄身啲嘅面膜。 而3號嘅功效就係針對收細毛孔，呢款面膜運用咗佢嘅專利成份，3號酵素精華製作而成，聞落去都會有一陣偏酸嘅味道，但未至於難聞，有少少似青檸嘅味。🍏 敷咗上面1至3分鐘之後，就開始feel到有啲揦揦地，我諗係啲酵素發揮緊功效，係會有些微刺激嘅感覺，但係品牌說明已pass咗Testing，敏感肌嘅寶寶都可以使用😳 敷完之後，剩低喺面上面嘅精華，大概等五至10分鐘到，就可以好快比皮膚吸收返，呢一點係有驚喜👍🏾 敷完之後，塊面其實係偏乾身，唔係平時敷完保濕嗰種嘅鎖水感覺。 ⭕️有少許消炎鎮靜嘅功效，如果生緊痘痘，可以幫助到舒緩些少，但係效果真係得些少、唔多。 呢次已經係我第三次回購，回購嘅原因係因為之前嘅效果比較明顯，但去到今次效果就比較遜色，可能係已經對佢啲酵素產生抗體？🤔 所以如果下次我諗我會試其他號數嘅面膜😆

呢款3號面膜係我會回購既面膜（我毛孔比較多🫢） 佢敷上面有輕微既熱熱地同吉吉地既感覺，如果敏感肌既朋友可能會唔適合。 敷完會即時見到鼻翼兩邊的毛孔消失左😍皮膚都細緻左。 坊間既用法係敷完3號馬上敷4號，因為4號面膜上面係會涼涼地，可以舒緩3號面膜帶來的刺痛感

呢隻面膜真係一言難盡。聞落有陣姜味，敷上臉嗰下熱熱麻麻，感覺幾有趣嘅。用咗差唔多成盒，老老實實，毛孔完全冇縮細到，有少少失望。最攞命係個質地，痴立立咁，手感奇差。我本身好懶，敷完面膜唔會洗手，會順便將手上嘅精華搽埋手手腳腳，搽完覺得黏黏笠笠，勁唔舒服。塊面都係所以每次敷完呢隻面膜，我都一定要去洗面。總結來講，呢款面膜唔多啱我，效果唔明顯，質地又唔討好，唔會回購。