L'OCCITANE

蠟菊煥活雙效精華

首先多謝@cosme邀請試用L'Occitane蠟菊煥活肌底精華！平時都有用開沐浴產品，護膚產品就真係第一次用。我自己算係混合肌偏乾，雖然未去到敏感肌，不過平時面頰都會有啲泛紅，尤其係做完激光facial之後。

呢枝精華嘅蠟菊萃取，主打舒緩泛紅、促進復原同撫平細紋，好適合我呢啲年齡使用。我自己都有用過其他肌底液或者精華產品，有啲好似化妝水用完無感，相反有啲就太厚實，影響到後續產品吸收。最鍾意呢啲精華嘅質地，好易推，但係又好有「搽咗嘢」嘅感覺。天然香氣都好減壓。

效果方面，暫時用咗四分之一支左右，期間經歷天氣又急跌幾度又濕度100%，加埋自己又做laser，呢樣精華傍住我一路keep到皮膚都幾穩定。雖然未去到極速降紅，不過feel到facial後皮膚嘅反應冇之前咁大。朝早起身望塊鏡覺得皮膚都有啲光澤，唔會好暗啞，狀態唔錯。

一開始配搭我自己其他保濕精華都feel到有幫到手，唔會話去到lunch hour就開始乾。後期配搭埋@cosme附上嘅蠟菊極致修護精華露，更加覺得皮膚光澤度有提升。簡單搽個cc cream就可以出門口，個樣唔會好殘。留一粒星等我繼續持續使用，觀察下改善老化方面嘅功效！

自己本身都係L'Occitane fans，用完會考慮回購！