SK-II

護膚精華 (神仙水)

首先好多謝 @cosme 邀請我試用SKII神仙水，可以試用到SKII 皇牌產品。我本人皮膚係比較容易敏感，底層比較乾燥，所以通常半日之後面部會泛起油光。
本人已經32歲，皮膚比之前容易粗糙，而且虎紋明顯，岩岩係正好時候收到。

一收到就立即試用，到依家已經試用超過2星期，效果真係有別於我之前用既護膚品，不愧係SKII皇牌產品。

皮膚質素：本身只係用左幾日，肉眼好明顯面色已經提亮左，試用兩星期之後，皮膚質素細緻咗好多，鼻翼嘅毛孔位已經有明顯改善。吸收方面，精華水可以比皮膚吸收，完全唔會有笠痴痴，令到皮膚呼吸唔到嘅情況，可以照顧容易起粒粒既皮膚。

產品質感：質地係流動水狀嘅。
氣味：個氣味有少少釀米酒嘅味道，以前未問過呢種味道，我覺得好特別。

最估唔到係短短兩星期已經會有咁明顯嘅效果，難怪佢會個價錢有啲貴。但呢個產品已經係我用過最好嘅精華水。非常推薦。