NARS

胭脂(已停產)

大名鼎鼎的nars orgasm 胭脂～令人相當驚艷嘅顏色。
今次試用嘅係非常有名嘅orgasm，粉質細緻，首先用手指拭抺，柔滑易推又貼薄不浮粉。係手腕上抺一層已十分顯色。直望下係粉紅色嘅胭脂，而係陽光下不同角度嘅折射會見到好靚嘅橙金色混合粉紅色調，好似日落的霞光一樣，又夢幻又浪漫。用手指塗開會比較顯色，同時因為胭脂含有閃粉，可以當highlighter，比較適合係重點部位例如顴骨加強使用。一般作為胭脂用時，以化妝掃輕輕掃兩層，就有種天生好氣息感覺，又唔會有太多閃爍感，適合鍾意自然妝容啲嘅女仔。
持久度同防水度都唔錯，用力抹或用水沖都甩咗啲，但都keep 到色。
唯一小小缺點係略微飛粉，可以見到係胭脂卡邊同白色背景上面都有啲粉。
不過瑕不掩瑜，整體使用感十分滿意。